بسم الله الرحمن الرحيم
اول حاجة لازم كلنا نعرفها ان ربنا بيوفقنا للي احسن لينا وطبعا احنا احيانا بنسخط علي الوضع دا
وكتير مش بيعجبنا
بس لازم مننساش قول الله تعالي ( وعسي ان تكرهو شيئا وهو خير ليكم وعسي ان تحبو شيئا وهو شر لكم )
كان لازم نفهم من هنا ان نصيبنا هو احسن حاجة لينا
وزي مبعضنا عارف الحديث القدسي اللي بيقول ( لو علمتم الغيب لأخترتم الواقع )
فمش لازم نزعل علي حاجة من قدرنا انها مش لينا او ضاعت مننا
لان كل اللي بيحصلنا دا قدرنا اللي هو مخلوق قبلينا
وفي كل الحالات المفروض اننا بنقول كلمة واحدة
الحمد لله
الحمد لله علي كل حاجة
حتي لو من نظرنا انها مش كويسة لينا فربنا سبحانه شايف ان دي احسن لينا
كنت بقول ليه ربنا مخلاش لون شعري كذا لون عيني كذا لون بشرتي كذا
لحد مقولت الكلام لواحد شيخ قالي ربنا خالقك في احسن هيئة ليك
ولو قلت الحمد لله علي انك كدا هتحس انك ربنا مميزك بشكلك دا في حاجات انت متاخدش بالك منها
كتير مننا شكلهم مش كويس ومع ذلك بنحبهم
مين عارف يمكن لو كانو اشكالهم غير كدا كان هيبقي ايه الوضع
المهم نقول الحمد لله
اما ربنا بقي سبحانه وتعالي قالنا حاجة كويسة جدا
قال
(وَقَالُواْ الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ )
وقالنا كمان
( وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ ) وكمان قالنا
( وَقَالُوا الْحَمْدُ لِلَّهِ الَّذِي صَدَقَنَا وَعْدَهُ وَأَوْرَثَنَا الأَرْضَ نَتَبَوَّأُ مِنَ الْجَنَّةِ حَيْثُ نَشَاء فَنِعْمَ أَجْرُ الْعَامِلِينَ )
ولا مفيش حاجة من الكلام دا حصلت مثلا
مش ربنا دا هو اللي بيقف جنبك في شدتك لما بتدعيله
افتكر كدا كام مرة قلت يا رب ونجاك من مصيبة عملتها بأيدك
ميستاهلش منك انك تحمده
كام مرة سترها عليك رغم انك عارف كويس انك متستاهلش
لو فكرت في نعم ربنا اللي ميزك حتي بيها عن غيرك مش هنخلص
يارب يكون الكلام فيه جديد ولو بعض الشئ او حتي لو مفيهوش جديد حتي يبقي فكر ناس مننا بقالهم كتير محمدوش ربنا
وفي الاخر احب اختم بقول الله تعالي
( وَاصْبِرْ وَمَا صَبْرُكَ إِلَّا بِاللَّهِ وَلَا تَحْزَنْ عَلَيْهِمْ وَلَا تَكُ فِي ضَيْقٍ مِمَّا يَمْكُرُونَ )منقول