ازاي تعرف إنك نسيت حبيبك أو حبيبتك ؟

ازاي تعرف انك نسيت حبيبك او حبيبتك

امتى تتاكد انك نسيت حبيبك ؟
كتير مننا حب وانجرح وعاش على الذكريات
بس ياترى يا جماعه اللى بيحب بجد بيقدر ينسى حبيبه؟
وطبعا الاجابه اه ممكن ننسى حبيبنا ونحب تانى وتالت ورابع
بس ف الاخر بنلاقى ان كل ده كان هروب ونلاقى نفسنا ف الاخر لسه بنحبه
لسه مشتاقين ليه
لسه بنحلم باليوم اللى نبقى فيه مع بعض تانى
حتى لو حبيبك ده ارتبط بحد تانى
بتلاقى نفسك من غير قصد بتحاول توهم نفسك انك عارف تعيش من غيره
بتلاقى كل حاجه بتفكرك بيه
مكان رحتوه مع بعض
اغنيه سمعتوها سوا
مليون الف حاجه بتلاقيها بترجعك تانى ليه من غير قصدك
وف الاخر بتلاقيه لسه عايش جواك

بس تعرف امتى تتأكد انك فعلا نسيته؟
ف الاول لما يعدى يوم من غير ماتفكر فيه
وماتمسكش الموبايل وتضرب رقمه وتقفل قبل مايرن
بعد كده تكتشف انك بقالك اسبوع مافكرتش فيه
وماتتصلش من اى موبايل ف الشارع تسمع صوته وتقفل
ياااااااااااااااااااااه ايه ده انا اخر مره حلمت بيه كانت من شهر
لما تسمع اغنيه حزينه وماتتأثرش بيها
لما تروح مكان كنتوا فيه مع بعض وماتفتكرش انه كان معاك فيه قبل كده
لما تشوفه صدفه ف الشارع وقلبك يفضل مكانه وماتبقاش حاسس ان قلبك هيوقف
لما ترتبط بشخص مافيهوش اى حاجه منه

تفتكرو ايه من الحاجات دي
بتدل انك نسيت حبيبك
دعوه للمناقشه ي شباب
وشكـــــــــــرا

منقول

عندك حق يا love
فعلا الى نسي حبيبة المفروض ان ينسي كل الحاجات دية واضافة على كلامك كمان ينسى تاريخ ميلادة

nada mohammed كتب:: عندك حق يا love
فعلا الى نسي حبيبة المفروض ان ينسي كل الحاجات دية واضافة على كلامك كمان ينسى تاريخ ميلادة

صح ياندا وينسى شكله كمان وياريت بقى لو يموت احسن

لالا يا امل حرام منتمناش الشر لحد كفاية اوى انه يموت حبة بس

amolamemo كتب:

nada mohammed كتب:: عندك حق يا love
فعلا الى نسي حبيبة المفروض ان ينسي كل الحاجات دية واضافة على كلامك كمان ينسى تاريخ ميلادة

صح ياندا وينسى شكله كمان وياريت بقى لو يموت احسن

ليه يعني مش لدرجه ياامل انت وندا

احيانا يا نيرة بيقى للدرجة دى