sara نشط
عدد الرسائل : 416 العمر : 32 البلد : مصر الوظيفه : طالبة المزاج : مخنوقة اوي اوي تاريخ التسجيل : 16/12/2008
| موضوع: zoooooom................. الإثنين مارس 09, 2009 2:21 pm | |
| انا عارفة ان مفيش حاجة عجباك في الدنيا دي ..من دولة ..من شعب ..من مصالح حكومية ..من أسعار مولعة نار..من تزوير ..من جامعتك ..من أي حاجة خالص ...
طب متيجي معاي كده وامسك الكاميرا بتاعتك .. واعمل زوووووووووووووم على نفسك....وشوف نفسك الاول... ها ...شايف ايه...
في الكلية مثلا طلعت السكشن لقيت معيد خنيق مبتحبوش... قمت منادي على جيمي صاحبك ...ياجيمي انا هنزل اتمشي شويه في الكليه ولما الدكتور ياخد الغياب اكتب اسمي.. يرد جيمي ويقولك تأمر ياباشا.. وترد علي جيمي وتقوله ...ياسلام عليك يابو الجدعنة.. جدعنه ايه...ده غش وتزوير زي اللي بيحصل في .....ولا بلاش..
ابدأ بنفسك واعملي زووووووووووووووم كمان مرة...
انت ... موظف غلبان .. بمرتب صغير .. بتحب واحده خطبتها ونفسك تتجوزها اووى و قدمت على شقه في عماره اهى لسه بيبنوها...وقالولك تستلم كمان 6 شهور ... وبعد 6 شهور ... ماسك انت سماعه التليفون وبتكلم خطيبتك وانت في الشغل.. وهى بتقولك ان التسليم اتأجل كمان 6 شهور لان المقاول مخلصش في الميعاد..
تلاقي نفسك بتزعق وتتنرفز وتقول ايــه التسيب ده ... يعنى بعد ما ظبطنا حياتنا على الميعاد ده ... لسه هنأجل تاااانى... حسبي الله ونعم الوكيل...
وفي وسط انفعالك.....دخل عليك مواطن غلبان ...بيقول: من فضلك عايز اخلص اجراءات الوراثه دى اعمل ايــه ..؟ قولتلها لحظه واحده يا حبيبي...وبصيته بقرف وقولت: فوت علينا بكره يا سيد!! سيد...!! سيد مين حضرتك ... مهو الى اخر تسليم العمار إياها كام واحد على بعض زيك كده.. قصروا في شغلهم فكانت هى دى النتيجه ...
زوووووووووووم مرة واتنين وتلاته وعشرة... أي حاجة بتشوفها غلط وتعترض عليها أكيد لها نموذج مصغر في حياتك ...اعمل زوووم ودور على الغلط وصلحه..
حااول تعمل
من دلوقتي خدوا عهد على نفسكم أنكم تربوا أولادكم على الصح منذ الصغر.. مهو بكره الصغير هيكبر ويبقى وزير ودكتور وسفير.. ولو علمته ميكدبش ...ميزورش ...ميرتشيش ..ميغلطش ... هيخرجوا بره الدايرة اللي احنا عايشين فيها دلوقتي وحياتهم هتبقى كويسة وتكون قواعدها سليمة ان شاء الله...
حتحاول تبدأ بنفسك الاول ؟
حتحتاول مع ابنائك ؟
رأيك ايه ؟
عدل سابقا من قبل sara في الثلاثاء مارس 10, 2009 10:04 am عدل 1 مرات | |
|
Nada315 نشط
عدد الرسائل : 311 العمر : 36 البلد : مصر الوظيفه : لا يوجد المزاج : سعيده جداااااااا مزاجي : 0 تاريخ التسجيل : 20/04/2008
| موضوع: رد: zoooooom................. الثلاثاء مارس 10, 2009 12:42 am | |
| انتي هايله ياساره وموضوع تحفه فعلا كل كلمه انتي قولتيها حقيقيه بجد لازم الواحد يبدأ يشوف اخطائه ويصلحها الاول بعد كدا يبدأ يشتكي او يتكلم عن كل حاجه حوليه
| |
|
sara نشط
عدد الرسائل : 416 العمر : 32 البلد : مصر الوظيفه : طالبة المزاج : مخنوقة اوي اوي تاريخ التسجيل : 16/12/2008
| موضوع: رد: zoooooom................. الثلاثاء مارس 10, 2009 10:02 am | |
| ميرسي ليكي يا ندا علي ردك وفعلا انتي بتعرفي تردي صح | |
|
Nada315 نشط
عدد الرسائل : 311 العمر : 36 البلد : مصر الوظيفه : لا يوجد المزاج : سعيده جداااااااا مزاجي : 0 تاريخ التسجيل : 20/04/2008
| موضوع: رد: zoooooom................. الثلاثاء مارس 10, 2009 1:00 pm | |
| - sara كتب:
- ميرسي ليكي يا ندا علي ردك وفعلا انتي بتعرفي تردي صح
ربنا يخليكي يا حبيبتي ده كله من ذوقك والله تسلميلي يارب | |
|
nada mohammed وسام عضو مميز بتلبية الطلبات
عدد الرسائل : 1139 العمر : 36 البلد : مصر الوظيفه : لا يوجد الاوسمه : مزاجي : 0 تاريخ التسجيل : 15/04/2008
| موضوع: رد: zoooooom................. الثلاثاء مارس 10, 2009 2:36 pm | |
| فعلا المفروض نشوف نفسنا الاول ولو كل واحد صلح من نفسة بلدنا هتبقي كويسة موضوع جميل يا سارة كريسي ليكي | |
|