لو انت معجب ب..........للشباب

سؤال للشباب
لو انت معجب بااخت صاحبك او اى حد من طرف صحبك هتعمل ايه؟
1-هتروح وتقولها
2- ولا هتقول لصاحبك الاول
3- ولا هتقولها هى الاول علشان تتاكد من مشاعرها وقبولها من نحيتك
4-ولا مش هتقولها ولا هتقول لصحبك وتكتم مشاعرك فى قلبك لحد لما تكون نفسك وتروح تخطبها؟
5-ولا تحاول تلمحلها

قولو بقى هتعملوا ايه
وبصراحه

انا عارفة ان الموضوع مش للبنات بس بجد انا عايزة ارد عليكي لان دية مشكلة انا قبلتها مع واحده صحبتى هى ارتبطط بولد الولد دة يبقي صاحب اخوها الانتيم يعنى وكلين شربين نايمين مع بعض المهم اختة حبت الولد ده وطبعا عملت حاجات علشان تثبتلة انها بتحبة لدرجة انها بقت هى الى ترد علية على تليفون البيت لما هو يتصل وتتكلم معاه طبعا الولد مكنش غبي فهم وفعلا ارتبط بيها

وبعدها بفترة اخوها عرف ولما عرف قاطع صاحبة دة خااااالص الى هو كان اكتر من اخوة وكانت اختة السبب وهى لحد دلوقتى زعلانه انها كانت سبب في زعل اخوها وصحبة الى اكتر من اخوة

وبجد ميرسي ليكي يا امل موضوع بجد حلو جدا

بس ياندا هو كان ناوى فعلا يخطبها ولا ايه؟؟؟
طب ليه لما اخوها عرف انهم مرتبطين ببعض الولد ده مقلهوش انه شاريها وعايز يخطبها
هو اصلا مش كويس صح؟
بس مش كله ياندا كده
بس يعنى افرضنى ان الشخص ده معجب بيها بكل حاجه
ادبها اخلاقها شكلها والحاجات دى هو برضه بشر وبيحس
مش معنى ان هى اخت صاحبه تبقى متحرمه عليه ولا ايه رايك؟

لو انا معجب باخت صاحبى وجاهز شويه هكلمه هو الاول طبعا وهو هيسالها ويجيبلى الرد لان مينفغش اكلمها من وراه حتى لو كان قصدى شريف لان الصداقه ليها واجب عليا ولازم ااديه
اما لو كنت مش جاهز فمش هقوله ولا هقولها لان غير منطقى انى افتح الموضوع وانا مش جاهز سواء لاخت صاحبى او اى بنت فى الدنيا

ميرسى على مرورك ياهادى
طب سؤال برضه للشباب
طب لو حسيت انها هضيع منك هتعمل ايه؟

هروح اقول لصاحبي وهاقوله كمان امتي هتقدملها

موضوع جميل اوى يا امل
وصعب الرد عليه
بس لو انا معجب بأخت صاحبى
وحاسس انها البنت اللى انا عاوز ارتبط بيها واكمل معاها اكيد هكلم صاحبى الاول
بس لازم اكون حاسس انها بتبادلنى نفس الشعور
وهو اكيد هيكون عارف ظروفى
بس لو شكيت ان انا لما اصارحه بالحقيقه دى العلاقه اللى مابينا هتتأثر
اكيد مش هقولوا ولا هقولها غير لما اكون جاهز واجى اتقدم رسمى على طول
وشكرا ليكى يا امل على الموضوع الجميل دا