| اوعي تقف لبنت في المترو | |
|
|
كاتب الموضوع | رسالة |
---|
sara نشط
عدد الرسائل : 416 العمر : 32 البلد : مصر الوظيفه : طالبة المزاج : مخنوقة اوي اوي تاريخ التسجيل : 16/12/2008
| موضوع: اوعي تقف لبنت في المترو الأربعاء فبراير 04, 2009 5:02 pm | |
| [size=16]بسم الله الرحمن الرحيم
مساء الجمال يا شباب
نخش ف الموضوع ع طول
ياجماعة احنا لازم نعمل وقفة .. من اللى هيه كده
دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،
والأخت إيناس الدغيدى تطلع تقول ان الراجل همجى مش بيعرف في المرأة غير جسمها،
والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ..حوش شعرك عشان نشوف جمال عقلك يا قمر والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ !! كل الكلام ده ماشى
والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان !!
والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟ !! البنت طبق كشرى بحاله من الكبير ابو تلاتة جنيه.. زيه زى الولد بالظبط
والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه !!
طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا
المشكلة بقى مادام بيقولوا البنت زى الولد.. ليه الولد بيقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى الولد لما يركب المترو كام مرة في اليوم وكل مرة اكتشف انه لازم اقف عشانهم تبقى مشكلة
يدخل المترو في أمان الله ويقعد بعد جهد جهيد وهو شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامه بالظبط وتعلـّى صوتها
وتقول لصاحبتها:
معدتش باقدر أقف كتير يا سنية..
ترد عليها زميلتها واللبانة ف بقها:
ومين سمعك يا حبيبتشى..
الدكتشور قال لى انى لو وقفت على رجلى خمس دقايق هارجًّع ع اللى قدامى علطول
وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه اواد المحترم الغلبان هيقوم يبوس ايديها انها تقعد مكانه.. والله لو خلعت شعرها كله وادتهولك على سبيل المقايضة زى قدماء المصريين..برضه مش اوعى تقوم
وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟
ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى
طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى..
انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل
والبنت اللى في الجامعة آه لو شافت راجل في المترو.. هيغمى عليها من الخضة..
ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟
أيوة مادام فيه مساواة تبقى ف كل حاجة.
. زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالته يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب فى شعرها وتورينك دايما انها بتحط هيد أندشولدرز ضد القشرة عشان تقم..لأنها زى ما بتحط هيد أندشولدرز الولد بيحط برضه هيد أنشولدرز ومن الحجم الكبير كمان أبو عشرين جنيه..
انا مش بقول انك متقمش خالص
.بس قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟
وكمان شوف الموقف ده.. بقى ينفع الواد يقف عشان واحدة ست تقعد..ويقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى ؟؟؟دا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم: ألف ليلة وليلة.. قصة كل ليلة..احكى ياشهرزاد.. احكى لشهريار
وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..
طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا[/size]
متزعلوش مني يا بنات بس دة الي بيحصل حقيقي | |
|
| |
Nada315 نشط
عدد الرسائل : 311 العمر : 36 البلد : مصر الوظيفه : لا يوجد المزاج : سعيده جداااااااا مزاجي : 0 تاريخ التسجيل : 20/04/2008
| موضوع: رد: اوعي تقف لبنت في المترو الأربعاء فبراير 04, 2009 5:54 pm | |
| لا خاااااااااااااااااالص يا ساره كلامك حقيقي فعلا ده كله بيحصل وبشوفه بجد في بنات مستفزه جدا وانا معاكي في كل كلمه قولتيها حقيقي في رجاله بتكون محترمه جدا وذوق لكن محدش بيقدر ذوقها ده بيستغلوا الفرصه بس وفي الاخر يقولوا المساواه انا من رأي الراجل راجل والبنت بنت مفيش حاجه اسمها مساواه
وتسلمي على موضوعك الجميل بجد والله موضوع مهم جداااااااااا
| |
|
| |
nada mohammed وسام عضو مميز بتلبية الطلبات
عدد الرسائل : 1139 العمر : 36 البلد : مصر الوظيفه : لا يوجد الاوسمه : مزاجي : 0 تاريخ التسجيل : 15/04/2008
| موضوع: رد: اوعي تقف لبنت في المترو الأربعاء فبراير 04, 2009 7:11 pm | |
| اولا يا سارة سيبك من الموضوع انة طويللللللللللللللل موت
انا بجد مستغربة انتى كتباه ازاى
وبجد دلوقتى وبتحصل كتيرررررررررر اووووووووووى
ان الولد يشوف ست كبيرة ومش قادرة تقف ويعمل ان مش واخد بالة او حتى يعمل نفسة نايم
ومش بيعملوا كدة بجد لا بنات ولا ستات | |
|
| |
sara نشط
عدد الرسائل : 416 العمر : 32 البلد : مصر الوظيفه : طالبة المزاج : مخنوقة اوي اوي تاريخ التسجيل : 16/12/2008
| موضوع: رد: اوعي تقف لبنت في المترو الخميس فبراير 05, 2009 1:29 pm | |
| لا يا ندا في بنات بتعمل كدة وفي صبيان قللة الزوق بس انا بتكلم لية اصلا كل واحد بيكون عايز يقعد باي طريقة | |
|
| |
gerard نشط
عدد الرسائل : 295 مزاجي : 0 تاريخ التسجيل : 30/04/2008
| موضوع: رد: اوعي تقف لبنت في المترو الجمعة فبراير 06, 2009 5:25 am | |
| - nada mohammed كتب:
- اولا يا سارة سيبك من الموضوع انة طويللللللللللللللل موت
انا بجد مستغربة انتى كتباه ازاى
وبجد دلوقتى وبتحصل كتيرررررررررر اووووووووووى
ان الولد يشوف ست كبيرة ومش قادرة تقف ويعمل ان مش واخد بالة او حتى يعمل نفسة نايم
ومش بيعملوا كدة بجد لا بنات ولا ستات بغض النظر ان دا غلط ولا صح مبيحضلش ان ست تقف في عربية رجاله وراجل يقوم عشان تقعد وفي نفس الوقت تكون عربية السيدات فاضيه ؟ | |
|
| |
naira نشط
عدد الرسائل : 584 العمر : 33 البلد : مصر الوظيفه : طالبة مزاجي : 0 تاريخ التسجيل : 16/04/2008
| موضوع: رد: اوعي تقف لبنت في المترو السبت فبراير 07, 2009 6:30 pm | |
| - gerard كتب:
- nada mohammed كتب:
- اولا يا سارة سيبك من الموضوع انة طويللللللللللللللل موت
انا بجد مستغربة انتى كتباه ازاى
وبجد دلوقتى وبتحصل كتيرررررررررر اووووووووووى
ان الولد يشوف ست كبيرة ومش قادرة تقف ويعمل ان مش واخد بالة او حتى يعمل نفسة نايم
ومش بيعملوا كدة بجد لا بنات ولا ستات
بغض النظر ان دا غلط ولا صح مبيحضلش ان ست تقف في عربية رجاله وراجل يقوم عشان تقعد وفي نفس الوقت تكون عربية السيدات فاضيه ؟ اكيد بيكون مش قصدها والي بتلحقوا بقي وبلاش بقي تلكيك علي الستات | |
|
| |
nada mohammed وسام عضو مميز بتلبية الطلبات
عدد الرسائل : 1139 العمر : 36 البلد : مصر الوظيفه : لا يوجد الاوسمه : مزاجي : 0 تاريخ التسجيل : 15/04/2008
| موضوع: رد: اوعي تقف لبنت في المترو الأحد فبراير 08, 2009 6:04 am | |
| انت يا gerard مستقصد البنات اوى وعلى فكرة بجد البنات والستات مش بيبقوا قاصدين يركبوا في الزحمة بس الى بيلحقوا | |
|
| |
amolamemo نشط
عدد الرسائل : 340 العمر : 33 الوظيفه : طالبه تاريخ التسجيل : 17/01/2009
| موضوع: رد: اوعي تقف لبنت في المترو الأحد فبراير 08, 2009 7:31 am | |
| - اقتباس :
[quote="nada mohammed"]اولا يا سارة سيبك من الموضوع انة طويللللللللللللللل موت انا بجد مستغربة انتى كتباه ازاى وبجد دلوقتى وبتحصل كتيرررررررررر اووووووووووى ان الولد يشوف ست كبيرة ومش قادرة تقف ويعمل ان مش واخد بالة او حتى يعمل نفسة نايم ومش بيعملوا كدة بجد لا بنات ولا ستات انا معاكى ياندا بيعملوا نفسهم هبل ولا كانهن شايفين حاجه | |
|
| |
walid وسام عضو مميز بتلبية الطلبات
عدد الرسائل : 1019 العمر : 36 الاوسمه : مزاجي : 0 تاريخ التسجيل : 24/04/2008
| موضوع: رد: اوعي تقف لبنت في المترو الأحد فبراير 08, 2009 12:40 pm | |
| بجد موضوع جاااامد جدا وبيحصل كتيييييييير عشان انا بركب المترو يوميا و كتير بلاقى عربية السيدات فاضيه والبنات تيجى تركب فى عربية الرجاله مش عارف ليه بس لو المترو زحمه وفى ست كبيره فى السن او معاها طفل لازم تقوم لها عشان الموقف دا ممكن يحصل لوالدتك او لاختك بس لو بنت شابه مش لازم تقف الا لو كانت جامده و عاوز تظبط معاها هههههههه | |
|
| |
naira نشط
عدد الرسائل : 584 العمر : 33 البلد : مصر الوظيفه : طالبة مزاجي : 0 تاريخ التسجيل : 16/04/2008
| موضوع: رد: اوعي تقف لبنت في المترو الأحد فبراير 08, 2009 4:14 pm | |
| - walid كتب:
- بجد موضوع جاااامد جدا
وبيحصل كتيييييييير عشان انا بركب المترو يوميا و كتير بلاقى عربية السيدات فاضيه والبنات تيجى تركب فى عربية الرجاله مش عارف ليه بس لو المترو زحمه وفى ست كبيره فى السن او معاها طفل لازم تقوم لها عشان الموقف دا ممكن يحصل لوالدتك او لاختك بس لو بنت شابه مش لازم تقف الا لو كانت جامده و عاوز تظبط معاها هههههههه هههههههههههههههههههه قولتلي بقي انكم بتقفوا للبنات عشان كده | |
|
| |
| اوعي تقف لبنت في المترو | |
|